Kaixo irakurle!
​
Blog honetara iritsi eta hau irakurtzen ari bazara topaketa interesatzen zaizula suposatzen dugu eta, hortaz, orain emango dugun informazioa baliagarria izan dakizuke. Beraz, lasai eta arretaz irakurri eta zalantzarik izanez gero kontaktuan jarri gurekin!
​
Arestian aipatu bezala, gure topaketaren helburua euskal kulturakoak ez diren eta hau ezagutu nahi duten pertsonak bertakoekin integratzea da. Honetarako, 4 hilabete dirauen plangintza bat prestatu dugu. Lau hilabete hauetan zehar euskal kulturarekin zer ikusia duten ekintzak eramango ditugu aurrera, astean ordubeteko saio bat eskainiz. Hortaz, bertsolaritza, estropadak, herri kirol ezberdinak, hizkuntzaren inguruko gauzak, bertako tradizio ezberdinak… etab. Landuko ditugu. Euskal pilotako saio batzuk ere emango ditugu, eta azken saioa zehazki, eskupilotari eskainiko diogu.
Saioak 2 orduko iraupena izango du eta 2019ko ekainaren 15ean (larunbata) izango da. Beti-Jai frontoia erabiliko dugu instalazio gisa, tokia aproposa delako gure topaketa aurrera eramateko.
​
Topaketa honen helburua ez da parte hartzaileak handik pilotari onak izanez ateratzea, baizik eskupilota zer den ezagutzea eta jokatzea bakoitzak bere mailan.
​
Topaketa honetarako Beti-Jai frontoiko begirale batzuk izango ditugu, instalazioak erakutsiko dizkigutenak eta topaketa dinamikoagoa eta produktiboagoa egiten lagunduko digutenak.
​
Parte hartzaile kopurua mugatuta egongo da, instalazio hauetan ezin delako nahi adina jende sartu bestela dinamika apurtu egingo baita. Beraz, 30 pertsonako taldea osatzea erabaki dugu gehienez. Hala ere, topaketa hau ondo irteten bada eta arrakasta handia duela ikusten badugu eta interesatu gehiago daudela, datorren urterako beste topaketa bat prestatuko genuke eta jende gehiagoren partaidetza ahalbidetzen duen frontoi bat bilatu.
​
Eskupilotako topaketa hau guztietan azkena dela kontuan hartuta, Zeppelin tabernan agurtzeko bazkaria egitea pentsatu dugu. Bazkari honen gastuak gure kontu.
